Termat e Referencës (ToR)
Titulli i Pozicionit: Specialist për Advokim
Titulli i Projektit: Përtej Barrierave: Rezistenca e Romëve në Ballkanin Perëndimor (Beyond Barriers: Resilience of Roma in the Western Balkans)
Burimi i Financimit: Bashkimi Evropian
Zbatuar nga: Instituti për Kërkime dhe Analizë të Politikave Romalitico në partneritet me Institutin e Kulturës Rome në Shqipëri – IRCA
Kohëzgjatja e Projektit: 2 Dhjetor 2024 – 1 Tetor 2027
Vendndodhja: Shqipëri
Mbikëqyrësi: Instituti i Kulturës Rome në Shqipëri – IRCA
Përmbledhje
Projekti “Përtej Barrierave: Rezistenca e Romëve në Ballkanin Perëndimor” është një iniciativë rajonale e fokusuar në përmirësimin e statusit ekonomik, përfshirjes sociale dhe luftës kundër antigypsyism-it brenda komuniteteve rome në pesë vende të Ballkanit Perëndimor: Maqedonia e Veriut, Bosnje dhe Hercegovina, Serbia, Shqipëria dhe Kosova. Projekti mbështetet nga Bashkimi Evropian dhe zbatohet nga Instituti për Kërkime dhe Analizë të Politikave Romalitico, në partneritet me Institutin e Kulturës Rome në Shqipëri – IRCA.
Qëllimet e projektit janë forcimi i përfshirjes së romëve përmes politikave dhe iniciativave që adresojnë pabarazitë ekonomike, luftojnë antigypsyism-in dhe promovojnë integrimin social.
Objektivi i Pozicionit
Oficeri i Avokatisë do të jetë përgjegjës për avancimin e objektivave të avokatisë dhe politikave të projektit, duke u fokusuar në rritjen e ndërgjegjësimit dhe veprimit kundër antigypsyism-it, promovimin e politikave përfshirëse për romët dhe sigurimin e bashkëpunimit rajonal në Ballkanin Perëndimor. Gjithashtu, oficeri do të mbështesë krijimin dhe zhvillimin e një Rrjeti Rajonal të Organizatave Rome, duke avokuar për përfshirjen e tyre në proceset e politikëbërjes, reformat ligjore dhe dialogun publik.
Detyrat Kryesore
- Krijimi dhe Promovimi i Rrjetit Rajonal për Politikat e Përfshirjes së Romëve.
- Zhvillimi dhe zbatimi i Rrjetit Rajonal të Politikave duke koordinuar përpjekjet mes organizatave rome, aktorëve të interesuar dhe institucioneve qeveritare në të paktën pesë vende të Ballkanit Perëndimor.
- Formulimi i një kornize të fortë avokatie me objektiva të qarta, fusha kyçe dhe strategji për të promovuar përfshirjen sociale të romëve, duke siguruar që kjo kornizë të jetë në përputhje me reformat e BE-së dhe prioritetet e qeverive lokale.
- Promovimi i Rrjetit Rajonal përmes organizimit të takimeve, punëtorive dhe forumeve që mbledhin së bashku organizatat rome, politikëbërësit dhe partnerët ndërkombëtarë për të përmirësuar politikat e përfshirjes së romëve në nivel rajonal dhe kombëtar.
- Monitorimi i Reformat e Sektoriale të BE-së dhe Politikave Kombëtare për Përfshirjen e Romëve.
- Monitorimi dhe vlerësimi i reformave sektoriale të BE-së, politikave, sistemeve të shërbimeve dhe buxheteve të lidhura me përfshirjen e romëve në të paktën pesë vende.
- Kryerja e analizave mbi politikat, ligjet dhe buxhetet ekzistuese mbi përfshirjen e romëve, duke përdorur të dhëna zyrtare dytësore për të vlerësuar efektivitetin e tyre dhe përputhshmërinë me strategjitë kombëtare dhe të BE-së për romët.
- Hartimi dhe publikimi i raporteve të detajuara mbi gjetjet e procesit të monitorimit, duke identifikuar boshllëqet dhe rekomandimet për përmirësime në politikat ekzistuese.
- Përgatitja e materialeve të advokimit (dokumente politike, raporte pozicioni dhe mjete komunikimi) që mbështesin iniciativat e Rrjetit Rajonal të Politikave, duke siguruar qasje të qartë dhe të bazuar në fakte për aktorët e interesuar.
- Avokimi për Prioritetet dhe Nevojat e Komuniteteve Rome.
- Identifikimi i nevojave dhe prioriteteve të komuniteteve rome në rajon, duke punuar ngushtë me rrjete qytetare aktive për të kuptuar sfidat kryesore me të cilat përballen romët.
- Hartimi i propozimeve për politika dhe ligje bazuar në nevojat dhe prioritetet e identifikuara, duke avokuar për përfshirjen e zërave romë në politikat e qeverisë qendrore dhe vendore.
- Avokimi për përfshirjen e prioriteteve të romëve në politikat qendrore dhe vendore, si dhe në agjendat e donatorëve për periudhën e ardhshme të politikave (2024 e në vijim), duke punuar me zyrtarë qeveritarë, organizata rome dhe donatorë për të siguruar mbështetje adekuate.
- Organizimi dhe lehtësimi i punëtorive të trajnimit mbi avokatinë dhe ndërtimin e rrjeteve për organizatat rome dhe liderët komunitarë, duke siguruar pjesëmarrjen e të paktën 20 pjesëmarrësve për çdo sesion.
- Krijimi i një Platforme Rajonale për Bashkëpunimin me Donatorët.
- Zhvillimi i një platforme rajonale për bashkëpunimin me donatorët, duke angazhuar aktorë kyç (BE, USAID, Banka Botërore, UNDP, SDC, etj.) për të koordinuar përpjekjet dhe për të siguruar përfshirjen e prioriteteve të romëve në agjendat e tyre të financimit dhe politikave.
- Avokimi për përfshirjen e prioriteteve të romëve në agjendat e donatorëve, duke siguruar që politikat, programet dhe iniciativat e financimit të jenë të përshtatura për të adresuar nevojat specifike të komuniteteve rome në rajon.
Kualifikimet dhe Eksperienca
Arsimi:
- Diplomë universitare në Drejtësi, Shkenca Politike, Marrëdhënie Ndërkombëtare, Shkenca Sociale ose një fushë të ngjashme.
Eksperienca:
- Të paktën 4 vite eksperiencë profesionale në avokati, zhvillim politikash ose fusha të ngjashme, idealisht me fokus në përfshirjen e romëve, të drejtat e pakicave ose anti-diskriminimin.
- Eksperiencë e dëshmuar në projektet e financuara nga BE dhe njohuri mbi politikat e BE-së për përfshirjen e romëve dhe anti-diskriminimin.
- Eksperiencë në hartimin e dokumenteve politike dhe angazhimin me aktorë të nivelit të lartë (qeveri, BE, organizata ndërkombëtare).
Aftësitë:
- Njohuri të forta mbi strategjitë e avokatisë dhe analizën e politikave.
- Aftësi të shkëlqyera komunikimi, shkrimi dhe prezantimi në anglisht.
- Aftësi të mira organizative dhe menaxhimi të shumë detyrave njëkohësisht.
Procesi i Aplikimit
Kandidatët e interesuar duhet të dërgojnë dokumentet e mëposhtme deri më 15 shkurt 2025:
- Letër motivimi (maksimumi 2 faqe)
- CV me përvojën dhe kualifikimet relevante
- Informacion për të paktën dy referenca profesionale
Aplikimet duhet të dërgohen në institute.irca@gmail.com
Përzgjedhja e kandidatit të përshtatshëm do të kryhet nga një komision i krijuar nga Instituti i Kulturës Rome në Shqipëri – IRCA. IRCA respekton parimin e trajtimit të barabartë dhe mosdiskriminimit në vendimmarrje.
Kriteret e përzgjedhjes:
- Përmbushja e kushteve të shpalljes
- Cilësia e dokumenteve të dorëzuara
- Pikët e marra gjatë intervistës
Vetëm kandidatët që plotësojnë kriteret do të ftohen për intervistë.
Vetëm kandidatët e intervistuar do të informohen për vendimin përfundimtar të përzgjedhjes. Instituti i Kulturës Rome në Shqipëri – IRCA rezervon të drejtën të mos informojë kandidatët e refuzuar mbi arsyet e refuzimit të tyre.
