Projekti “Fuqizimi i Kapaciteteve të Qendrës Sociale Komunitare ‘Zinxhira’ për të Ofruar Shërbime të Specializuara dhe Gjithëpërfshirëse për Komunitetet në Nevojë në Gjirokastër” (ZINXHIRA SOCIAL RISE), i cili zbatohet gjatë një periudhe 14-mujore nga Bashkia Gjirokastër në partneritet me Institutin e Kulturës Rome në Shqipëri, synon të transformojë mënyrën se si ofrohen shërbimet sociale për grupet e margjinalizuara. Një komponent qendror i kësaj ndërhyrjeje është zhvillimi i një kurrikule trajnimi gjithëpërfshirëse për ofruesit e shërbimeve sociale, me fokus të veçantë në ndjeshmërinë gjinore, gjithëpërfshirjen dhe përshtatjen kulturore.
Ky dokument paraqet një përmbledhje të nevojës për zhvillimin e kësaj kurrikule, objektivat kryesore, përmbajtjen dhe ndikimin e pritur në përmirësimin e cilësisë së shërbimeve sociale në Qendrën “Zinxhira” dhe përmes njësive të lëvizshme.
